ผญาประชาสัมพันธ์เที่ยวเจริญศิลป์

เจริญศิลป์ถิ่นแคว้น     อำเภอใหม่ไทยสกล  

คนอาศัยอยู่ฮ่วมกัน            หลายเผ่าพันธุ์เป็นพี่น้อง

คล้องใจกันเอาไว้                ด้วยพระใหญ่พ่อองค์ดำ

มีผู้นำมองการณ์ไกล  เป็นขวัญใจของไทยบ้าน                     

สมเด็จพระราชินีท่าน           เสด็จมาเสริมส่ง

ทรงสร้างศูนย์ช่างให่           ศิลปาชีพชื่อศูนย์

ค้ำคูณให่ไทยบ้าน               ได้เฮียนงานศิลป์ต่าง ๆ

เฮ็ดงานได้ค่าจ้าง                ทางอาชีพกะก้าวไกล

ใจกลางเมืองมีหนองน้ำ    นามว่าหนองท่งมน             

คนหลั่งไหลไปโฮม              เดือนเมษายามหน่าฮ้อน         

ออนชรสาวส่ำน้อย              เทยไทยไปเลาะเที่ยว

ใส่สายเดี่ยวชุดเวิบวาบ    บอกให่ทราบไว้ทั่วกัน

ขอเรียนเชิญทุกท่าน    ไปเล่นน้ำเจริญศิลป์                                                           

แวะไปกินข้าวงาย       นำกันเลาะฝั่งน้ำ 

พ้อสาวงามผูกฮักไว้     ดนปานใดบ่เป็นอื่น 

จั่งค่อยคืนไปหาน้อง     กินดอง-เล่นเลาะฝั่งหนอง  พี่น้องเอย

data-matched-content-ui-type="image_stacked"

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *