หนังสือที่ระลึกก่อนตาย 2


นายวิทิต  ไชยวงศ์คต

พ่อครูดอทคอม

ชาตะ  6  สิงหาคม  2487

มรณะประมาณ  6  สิงหาคม  2637

สิริอายุประมาณ  150  ปี

คำนำ

ข้าพเจ้าได้เขียนหนังสือที่ระลึกก่อนตายไว้เพื่ออำลาญาติสนิทมิตรสหาย แต่ชีวิตกลับยืนยาวและมีเรื่องที่อยากเขียนก่อนตายอีกมากมาย  จะเขียนต่อไปในเล่มเดียวกันก็อับเดดไม่ได้จึงตัดสินใจเขียนเพิ่มอีกเป็นตอนที่  2  เรื่องที่เขียนจะมีสองส่วนคือ  1.  กลอน  2.  ผญา

ขณะเขียนถึงตอนนี้ข้าพเจ้าอายุครบ  72  ปีพอดี  หมอศูนย์โรคหัวใจสิริกิติ์ขอนแก่นนัดผ่าตัดวันที่  24  ธันวาคม  2559  ข้าพเจ้าจองห้องพิเศษ  2  คืนในราคา  4,000  บาท  แต่ขณะนี้  20  กันยายน  2559  หลังจากกินยา prevacid และยาแอนตาซินรักษาโรคกรดไหลย้อนและโรคกระเพาะ  โรคหัวใจเต้นผิดจังหวะก็หายโดยอัตโนมัติ ข้าพเจ้ากลับมาแข็งแรงออกกำลังกายและทำงานหนักได้เหมือนเดิม  จึงลดกินยาโรคหัวใจลงจากวันละ  2  เม็ดเป็นวันละ  1  เม็ดและเลิกกินในที่สุด  12  ตุลาคม  2559 ข้าพเจ้าได้รับโทรศัพท์เตือนความจำจากเจ้าหน้าที่โรงพยาบาลศูนย์โรคหัวใจสิริกิติขอนแก่นให้ไปตรวจเช็คร่างกายก่อนทำการผ่าตัด  ข้าพเจ้าจึงตอบกลับไปว่า ผมหายเป็นปกติแล้วจึงขอไม่มาพบแพทย์ตามที่นัดหมาย  และขอยกเลิกการรักษาที่นัดหมายไว้ทั้งหมด  เจ้าหน้าที่ถามว่าโรคหัวใจเต้นผิดจังหวะหายเองได้หรือ  ข้าพเจ้าอธิบายเรื่องโรคและการรักษาของข้าพเจ้าตั้งแต่ต้นจนจบ  เจ้าหน้าตอบกลับมาว่า  ถ้าหากยังไม่หายก็ให้กลับมาพบแพทย์ใหม่นะคะ

ข้าพเจ้าน่าจะมีชีวิตยืนยาวได้โม้ให้ลูกหลานได้อ่านไปอีกหลายสิบปีอย่างแน่นอน  ยังเหลือโรคต่อมลูกหมากโต  คิดว่าอีกไม่นานเภสัชกรจะสามารถผลิตยารักษาให้หายขาดได้ออกวางจำหน่าย  ถ้ารักษาโรคนี้หายขาดคงอยู่ยาวถึง  150  ปีชีวีสุขสันต์อย่างแน่นอน  ส่วนโรคชรากับโรคทรัพย์จางเป็นโรคที่ไม่มียารักษาก็ปล่อยมันไปครับพี่น้องครับ

 

…………………………………

วิธีไถเงินป๋า

กลอนแปด

………………………………

 ถ้าจะไถ  เงินป๋า  หากินเที่ยว

ต้องเฉลียว  ไม่เที่ยวไถ  ให้ใครเห็น

โทร.ไปก่อน  นัดหมาย  อย่างใจเย็น

 ถ้าคนเห็น  ห้ามไถ  ให้ทนรอ

ถึงป๋าให้  เงินน้อย  ให้รีบรับ  (ขืนชักช้าป๋าอาจจะเปลี่ยนใจ)

ทำทีนับ  นี่นั่น  โน้นนู้นหนอ 

ตีหน้าเศร้า  เล่าความเท็จ  เงินไม่พอ

ออดอ้อนขอ   ป๋าไม่ให้  หนูไม่ยอม

ถ้าป๋าทำ  ทีท่า  จะโยกโย้

ทำเป็นโผ  เข้าซบไหล่  ให้ป๋าหอม

ถึงขั้นนี้  ขอเท่าไหร่  ป๋าก็ยอม

เงินไม่พร้อม  ป๋ายอมผิด  ติดค้างเรา

……………………………

วิธีไถเงินป๋า

กลอนอีสาน/ผญา

………………………….

คันสิไถเงินป๋านั้น  อย่าสิให่ผู้อื่นเห็น

มันสิเป็นเวรกรรม  ยามเมือเฮือนเมียป๋าฮู้

ให่นางดูอ้อมข่าง  หน่าหลังให่คักก่อน

ตอนบ่มีผู้อื่นฮู้  ค่อยปากต้านเอ่ยไถ

แม่นป๋าให่เงินหน่อย  ให่ฟ้าวไหว้ดึงเอา (ขืนชักช้าป๋าอาจเปลี่ยนใจ)

แล้วทำท่าทีนับ   หนึ่งสองสามสี่ห้า

ทำหน่าตาละห่อย  เว้าสำอ๋อยบอกเพิ่น

เงินบ่พอท่อนั้นท่อนี้  ขี่ตั๊วะให่คล่องคือ

คันป๋าคือสิหนีหน่า  ท่าทางป๋าสิบ่จ่าย

ให่กอดแอวป๋าไว้  ถูไถเว้ากล่าวสำออย

คอยบ่โดนดอกจ้า   ป๋าสิจ๊กเงินมาจ่าย

ไถท่อใดกะสิได้   ป๋ามีให่แน่นอน   นางเอย

……………………………………

ที่ซ่อนเงินเมีย

กลอนแปด

……………………………………

การซ่อนเงิน  ไว้เล่น  เป็นเรื่องยาก

เพราะเมียมัก  ค้นหา แล้วก็เห็น

แต่ถ้าหาก  เราซ่อน  เงินไว้เป็น

เมียไม่เห็น   เชื่อเถอะครับ  ขอรับรอง

จะซ่อนเงิน  เอาไว้  ที่ไหนบ้าง

หนึ่งซ่อนข้าง  หลังภาพ บนฝาห้อง

สองเก็บพับ  สอดใส่   ไว้ในซอง  

แล้วใส่กล่อง  เก็บไว้  บนเพดาน

สามซ่อนไว้   ในเล้า  ของเป็ดไก่

ใต้รังไข่  หมายไว้  เป็นหลักฐาน

สี่ซ่อนไว้  ใต้รองเท้า  ไปทำงาน

แล้วจดฐาน  ทั้งสี่ไว้  เป็นลายแทง

เมื่อถึงคราว  ไปเล่น  หาเห็นง่าย

ไม่ต้องส่าย  หาทั่ว  ทุกหัวระแหง

มีบางราย  ไม่จดไว้  เป็นลายแทง

ต้องหน้าแห้ง  เงินหาย  หาไม่เจอ 

การไปเอา  เงินที่ซ่อน  ต้องลึกลับ

เมียจะจับ  พิรุธได้  ในทีเผลอ

เมียไม่อยู่  หาสบาย  ง่ายจริงเออ

ถ้าเมียเผลอ   ต้องปุ๊บปั๊บ  หาฉับไว

ถ้าได้เงิน   ไปเล่น   อย่าเล่นมาก

เมียลำบาก  ลูกเรา  เอาเงินไหน

เล่นเพียงร้อย  สองร้อย  พอผ่อนคลาย

ไม่มีใคร  ร่ำรวยด้วย  การพนัน

……………………………………

ที่เซืองเงินเมีย

กลอนอีสาน/ผญา

……………………………………

การเซืองเงินเมียไว้เหล่น  เป็นเรื่องยากซะอีหลี

คือจั่งมีพรายกระซิบ   บ่อนเซืองเงินของเฮาให่

เซืองหม่องใด๋กะหาพ้อ  ขอคืนจั่งแม่นยาก

ส่ำอ้อยเข่าปากช้าง   แม่นงัดง้างกะบ่คืน

การเซื่องเงินเป็นเรื่องตื้น  คันเฮาฮู้หลักการ

หม่องสำคัญสิเซืองเงิน  มีอยู่สามสี่หม่อง

ให่จับจองในใจไว้   เซืองหม่องใด๋ให่จำจือ

หม่องที่หนึ่งคือหลังฮูบ  ข่างฝาห่องให่จือจำ

ข่อสำคัญหม่องนี้   บ่มีไผสิส่องเบิง

เบิงแต่ฮูบทางหน่า  หลังฮูบบ่เบิงเลย

ความเคยชินอันนี้   มีนำกันทุกท่าน

เบิงแต่หวานใบหน้า  กะโนนก้นบ่อยากสน

หม่องที่สองคักเหลือล้น  บนเพดานเด้อครับ

ยกเก้าอี้มาปั๊บ  ก้าวขึ่นยืนญืนเซืองไว้

ย้ายเก้าอี้หนีให่  ไววาอย่าช้าแล่น

คันแมนแฟนมาพบพ้อ  ตอแหลเว้าขึ่นเบิงหนู

หม่องที่สามกูรูให่  ใต้ฮังไข่กะปลอดภัย

 เมียสิบ่สงสัย   ให่ระวังแต่เด็กน้อย

มันสิหลอยเอาไปสิ้น ทั้งฮังทั้งไข่

ทั้งเงินเฮาที่เซื่องไว้  เอาไปสิ้นคู่สู่อัน

 หม่องที่สี่นั้นไซร้   เซืองใต้เกิบไปทำงาน

จดไว้เป็นหลักฐาน  เขียนลายแทงเอาไว้

ยามสิไปเลาะเหล่น  การพนันขันต่อ

ถ่อสังขารไปซิ่งเซิ้ง  จั่งซอกไซ้เสาะหา

ได้เงินมาไปเหล่น  อย่าเหล่นหลายเด้อท่าน

ให่สงสารลูกเต้า  เมียเฮาไห่อยู่เฮือน 

จงเตือนตนของตนไว้  บ่มีไผสิกาจเก่ง

ยามดวงเฮ็งเหล่นได้  ยามดวงฮ้ายเหลือแต่ตีน  พี่น้องเอย

……………………………………

จีบสาวแก่

กลอนแปด

……………………………………

จีบสาวแก่  ขึ้นคาน  ต้องหาญกล้า 

เพราะทีท่า  เธอนั้น  ชั้นเชิงสูง

ยากเกลี้ยกล่อม   ด้วยคำหวาน  หรือชักจูง

มวยเชิงสูง   เตะถีบถอง  ต้องระวัง

จะเกาะคอ  ตีเข่า  ระวังศอก

อยู่วงนอก  ระวังถีบ  ล้มหงายหลัง

อย่าบุ่มบ่าม  บุกเชียว  เดี๋ยวกรามพัง

ต้องระวัง  ยกกราดไว้  ทำใจเย็น

ทำทีนอบ  น้อมไว้  ไม่ปะทะ

ลดเลิกละ   ด้านไม่ดี   ที่เธอเห็น

โชว์ด้านดี  ที่เธอ   อยากให้เป็น

ทำเฉกเช่น  พระเอกใน  หัวใจเธอ

แรกรักษา  ความใกล้ชิด  สนิทแน่น

ทำเป็นแมน  คอยเทคแคร์   สม่ำเสมอ

ทุกเช้าเย็น  ให้เห็นหน้า  สบตาเธอ

นานทำเผลอ   เหินห่าง  เป็นครั้งคราว

ไม่นานนัก  ความรักเรา  จะก้าวหน้า

เสียงโทร.หา  จะกริ้มกรุ่ม  เหมือนหนุ่มสาว

จะแต่งงาน  สานรัก  เป็นเรื่องราว

หรือชั่วคราว   ทีเมียเผลอ  นัดเจอกัน

……………………………………

จีบสาวเถ่า

กลอนอีสาน/ผญา

……………………………………

การได้เป็นสาวเถ่า  บ่แม่นเขาเป็นได้ง่าย

มีผู้ชายมาให่เลือก  ตั้งหลายร้อยบ่ถืกใจ

กะเลยได้เป็นสาวเถ่า  ขึ้นคานให่คนซ่า

วาสนาดีได้สาวเถ่า  ซุมหมู่เจ้าให่ฮินตรอง

คันสิลองจีบสาวเถ่า   ให่เข่าใจสาวเถ่าแน

อย่าพ้อว้อแพ้แว้   ปานเชียงน้อยป่วงมีดแถ

ระวังสิถืกแส่   แม่สาวเถ่าสิฟาดเอา

สิเข่าพระเข่านาง  ต้องวางโตให่ถืกต้อง

อย่าสิหองว่าหนุ่มแหน่น   ขอเป็นแฟนสาวเถ่างาย

บ่ถืกใจผู้สาวเถ่า   เซาโลดอย่าสิหวัง

ฟังใหญ่ครูสิเว้า   จีบสาวเถ่าเฮ็ดจั่งใด

แรกเอาใจยกย้อง  ลองใจสาวเถ่าเบิ่ง

เธอสิสนบักเผิ่ง   หรือแท้แม่นจั่งใด

ไปตัดผมใหม่ให่   ดูดีมีสง่า

ทั้งแต่งผมแต่งหน่า   วาจาต้านให่ม่วนหู

หมั่นดูแลหล่ำเยี่ยม  เจียมตนบ่ปากสว่าง

มีปัญหาอ้อมข่าง   บ่วางถิ่มซ่อยเหลือ

มีน้ำใจโอบเอื้อ    เผื่อแผ่เจือจาน

บริวารของนาง  ต้องแบ่งปันกินใช้

ยอมทำใจรับได้   คนจังไฮเว้าใส่

บ่สนใจไผสิเว้า   ฮักสาวเถ่าอย่างเดียว   

ความฮักกะสิเกี้ยว  กอดก่ายใจนาง

นอนสวางอยู่เฮือน   สิเอิ้นเฮาไปโฮฮ้อง

ได้ฉลองสาวเถ่า  เมาปานเหล้าต้มใหม่

แม่นขาดใจด่าวดิ้น  พระอินทร์เอิ้นไปอยู่นำ  หลานเอย

……………………………………………

จีบสาวสวย

กลอนแปด

……………………………………………

จีบสาวสวย  รวยเสน่ห์  ดูเท่ห์มาก

แต่ลำบาก  คู่แข่งล้น  จนเวียนหัว

นี้ทหาร  นั้นตำรวจ  คนโน้นชัวร์

นู้นเจ้าสัว   ล้วนส่อว่า   จะมาวิน

เราเป็นคน  ที่เท่าไหร่  ก็ไม่รู้ 

แต่เมื่อสู้  ต้องพร้อมพรั่ง  ทั้งศาสตร์ศิลป์

หมั่นดูแล  หมั่นไปหา  เป็นอาจิณ

ทุ่มทรัพย์สิน  เทกายให้  เทใจตาม 

เสกคาถา  เป่ามนต์  พ่นลมปาก

มีของฝาก  ส่งให้   โทร.ไปถาม

ส่งความรัก  ความคิดถึง   ทุกโมงยาม

ไม่ครั่นคร้าม  สิ่งใด  ตายก็ยอม

ถ้าแม้นเธอ  มีใจ  ให้คนอื่น

จงอย่าฝืน  แม้ตรอมใจ  จนผ่ายผอม

จงถอยทัพ  ขึ้นจากหล่ม  แม้ตรมตรอม

เธอไม่พร้อม  ยอมดีกว่า  อย่าดันดึง

แต่ถ้าเธอ  มีใจ  ให้เราบ้าง

จะเปิดทาง  ให้เรา  ได้เข้าถึง

จงสานต่อ  ก่อรัก   ให้ตราตรึง

ไปให้ถึง   ฝั่งฝัน  วันวิวาห์

………………………………

ฮักผู้สาวงาม

กลอนอีสาน/ผญา

…………………………….

ฮักสาวงามเป็นเรื่องยาก   ลำบากเสียเหลือหลาย

ไผต่อไผกะหุ่มฮัก   ยากปานใด๋กะบ่ท้อ

ขอเพียงได้เห็นหน่า   ได้เว้าจานำจั๊กนอย

ผิดหวังเรื่องเล็กหน่อย  หนุ่มใหญ่น้อยคึดดั่งกัน

การแข่งขันเลยนักหน่า  ปานบักศิลาหาบนุ่น

ไผทุนหนาโอกาสได้   ไผทุนหน่อยโอกาสไกล

หนุ่มใด๋ที่เงินหน่อย   บ่ท้อถอยบากบั่น

ความใฝ่ฝันอาจเป็นได้   ไผบ่ฮู้วาสนา

ความเป็นมาชาติก่อนนั้น   ไผมันย่อมแตกต่าง

ชูชกผู้ฮ้างฮ้าง  ขอทานเถ่าแก่ชรา

อมิตตาสาวส่ำน้อย  ยังเลือกเอาไปเป็นคู่

ชาติก่อนเฮาบ่ฮู้   คู่เฮานั้นแม่นผู้ใด๋ 

ให่ทำใจนักแหน่น  วางแผนแล้วสู้ต่อ

รอผู้สาวเลือกแล้ว   โชคเข่าข่างจั่งค่อยลุย

คันพอสุยสาวเมินหน่า  จั่งค่อยหาผู้สาวใหม่

โลกเฮาบ่ขี่ไฮ้   สาวงามไว้ให่ฮักแพง  ดอกนา  หลานเอย

..…………………….

จีบแม่หม้าย

กลอนแปด

……………………..

จีบแม่หม้าย  ต้องฉับไว  มือไม้ถึง

ทำหน้าตึง  ไม่กลัวเล็บ  เจ็บก็เฉย

โอบประชิด  ติดกาย  ให้คุ้นเคย

จีบเฉยเฉย  แล้วได้  ไม่เคยมี

ต้องโลมเร้า  เอาใจ  ให้ถึงฝั่ง

สุขสมหวัง   ปรีดิ์เปรม   เกษมศรี

ถ้าแม้นเรา  ขาดเขิน  เงินไม่มี

ก็ยังดี  กว่าคู่แข่ง  แรงเงินทอง

จะชนะ   คู่แข่ง  ที่แกร่งกล้า

มีเงินหนา  ยิ่งใหญ่  ไม่เป็นสอง

ด้วยเพราะเธอ เลือกเรา  เข้าจับจอง

ทั้งสี่ห้อง  หัวใจ  มอบให้เรา

จะแต่งงาน  หรืออยู่ก่อน  แล้วจึงแต่ง

สินสอดแพง  ช่วยกันหา  มาโชว์เขา

ชีวิวิตต่อ  แต่นี้  มีแต่เรา

ที่จะเฝ้า  ดูแลกัน  จนวันตาย

..…………………………

ฮักแม่หม่าย

กลอนอิสาน/ผญา

………………………….

ฮักแม่หม่าย   ผัวตายต้องอ่อยเก่ง

เป็นนักเลงให่หมู่ย้าน   บ่หาญกล้าแข่งขัน

หมั่นไปหาไปเยี่ยม   ไปเอาใจให้ไออุ่น

ไปค้ำคูณหนุนส่งให้   นางได้อบอุ่นใจ

ครอบครัวนางอยู่ได้  ย้อนมีเฮาเข้าไปซ่อย

ดูแลมวลลูกน้อย  ของนางด้วยฮักแพง

ทำใจแข็งยอมรับได้  ไผนินนทากะตามซ่าง

ขอเพียงนางอยู่ข่าง  สิพาสร้างให้ฮูงเฮือง

คันทำใจเรื่องนี้ได้   เรื่องอื่นกะสำบาย

นางสิยอมเทใจ  ให้เฮาจนเมิดสิ้น

เงินค่าดองสินสร้าง   มีบ่มีกะตามซ่าง

สางกันก่อนกะได้   มื้อใหม่พุ้นจั่งว่ากัน  หลานเอย

…………………….

จีบสาววัยรุ่น

กลอนแปด

…………………..

สาววัยรุ่น  สวยใส   วัยวุ่นรัก

วัยอกหัก  วุ่นวาย  วัยแสวง

วัยฝันใฝ่  วัยสดใส  วัยแสดง 

วัยยื้อแย่ง แข่งขัน  วัยมันเมา

การจีบสาว  วัยรุ่น  หุ่นฉอเลาะ

ต้องจี้เจาะ   ให้ถูกใจ  คนวัยเขา

จึงจะได้  สาววัยรุ่น  หุ่นบางเบา

ส่วนจะเอา  เป็นเมียนั้น  มันยากเย็น

เพราะสังขาร  ของเรา  เข้าวัยแก่

มันยักแย่  ยักยัน  อย่างที่เห็น

จะยืนเดิน  นอนนั่ง  ยังลำเค็ญ

มันไม่เป็น  เช่นก่อนเก่า  เราเคยมา

ถ้าท่านใด   หลงไหล  สาววัยรุ่น

จงทุ่มทุน  เทเงินให้   เธอมาหา

จงคิดว่า  เธอขัดสน  จนเงินตรา

จึงมาหา เราคนแก่  แต่มีตังค์

อย่าผูกพัน  เธอไว้นาน  ฐานคนรัก

จะอกหัก  ช้ำใจ  ในภายหลัง

ถ้าโชคร้าย  ได้เข้าซุก  คุกตาราง

โชคดียัง  พอได้   จ่ายตังค์เธอ

………………………….

ฮักสาวส่ำน้อย

กลอนอีสาน/ผญา

…………………………

ฮักผู้สาวส่ำน้อย  ต้องหมั่นอ่อยเอาใจ

นางอยากได้อีหยัง  ต้องรังสรรหาให่

อยากได้แหวนใส่ก้อย   สร้อยคอเส้นใหญ่ใหญ่

รถเฮือนางอยากได้   ต้องซื้อให่ตามใจ 

อยากได้เงินกะต้องให่   ไววาอย่าช้าแล่น

ได้เป็นแฟนสาวส่ำน้อย   ส่ำเป็นข้อยแม่พญา

ต้องอาสารับใช้  บ่ขัดใจทุกสิ่งอย่าง

ให่นวดหลังนวดก้น   ทนรับใช้บ่หน่ายแหนง

ความฮักแพงสิยืนหมั่น  ความผูกพันบ่เป็นอื่น

สิยาวยืนฮอดมื้อ   เฮาม้วยละแม็งตาย

คันแม่นนางอยากได้   เดือนดาวมาแขวนเบิ่ง

ให้เจ้าเชื่อบักเผิ่ง   ไปเอาบ่ได้แน่นอน

ให้ขอผัดผ่อนไว้   ใส่เกียร์หมาสาก่อน

แล้วจั่งหลอนแล่นลี้   หนีให่ได้ก่อนจ่อยตาย  เถ่าเอย

 ……………………..

คิดถึง

กลอนแปด

………………………

คิดถึงใคร  คนหนึ่ง  คิดถึงนัก

เรายิ่งหัก  ห้ามจิต  ยิ่งคิดถึง

ภาพของเธอ  ประทับจิต   ติดตาตรึง

ปานประหนึ่ง  เหตุการณ์  เพิ่งผ่านไป

ฉันรักเธอ   คนนั้น  ปานชีวิต

เฝ้าผูกจิต  ที่เธอไว้  ไม่ไปไหน

วันเดือนปี  เคลื่อนคล้อย  ลอยลับไป

แต่หัวใจ  ผูกพัน  อย่างมั่นคง 

เมื่อเธอแต่ง   งานไป  จึงได้คิด

ฉันหลงผิด  โง่เขลา เฝ้าลุ่มหลง

ทุกคืนวัน  ฝันใฝ่  ใจพะวง

แต่เธอคง  ลืมฉัน  ไปนานแล้ว

……………………………..

บุญอ้ายได้ส่ำฝัน

กลอนอีสาน/ผญา

…………………………..

คึดฮอดสาวคนนั้น  นอนฝันกะบ่ส่วง

ป่วงปานเป็นบ้าใบ้  ไข้ขึ้นจนสั่นหนาว

ภาพสาวสวยคนนั้น  ผูกพันใจให้คึดฮอด

ได้กอดเพียงหมอนข่าง   แทนนางน้องผู้คึดนำ

เว้างึมงำนำหมอนข่าง  อ้ายฮักนางอ้ายคึดฮอด

อ้ายอยากกอดเจ้าไว้  นอนแนบข้างดั่งกอดหมอน

ส่งหัวใจไปออดอ้อน   หนุนกอดนางบ่เคยห่าง

แต่ความหวังพินพังล้ม  อ้ายงมบ้าอยู่ผู้เดียว

เสี่ยวส่งบัตรเชิญให้  เปิดข้างในน้องสิแต่ง

ปานเข็มแทงหัวใจอ้าย  เลือดไหลย้อยบ่ส่วงเซา

ทุกคืนวันซึมเศร้า  เหงาหงอยปานหอยป่วย

ฮักคนสวยได้แค่จ้อง  มองได้ไปบ่เถิง

บ่ทันเหิงเปลี่ยนไปสิ้น  คือเครื่องบินหนีหมาเห่า

นางฮักเขาผู้อื่นพุ้น    บุญอ้ายได้ส่ำฝัน    นางเอย

……………………..

คนดี

กลอนแปด

………………………

คนคิดดี  คือคนที่  ไม่คิดร้าย

คิดอะไร  คิดด้านดี   ไว้เสมอ

เรื่องเลวร้าย  ใดใด  ที่เจอะเจอ

คิดเสมอ  ว่าต้องมี   ดีเหมือนกัน

คนพูดดี  คือคนมี   ศิลปะ

มีวาทะ  ผูกพัน  สมานฉันท์

ไม่พูดเท็จ  โกหก หลอกลวงกัน

ม่ฟาดฟัน  ด้วยถ้อยคำ  จำนรรจา

คนทำดี  คือคนที่  ทำถูกต้อง

ตามครรลอง   ผูกมิตร  จิตอาสา

ทำดีถูก   บุคคล  ถูกเวลา

ใช้ปัญญา  ชี้นำ  ก่อนทำดี   

รวมสามคน  เข้าด้วยกัน  นั่นแหละใช่

คนดีใน  ความหมาย  คนดีนี้

คือคิดก่อน  จึงพูดทำ  แต่สิ่งดี

ทั้งหมดนี้  พึงสำเหนียก  เรียกคนดี 

……………………………..

คนดี

กลอนอีสาน/ผญา

…………………………..

คนดีนั้น  ต้องดีจากข้างใน

ดีออกมาจากใจ  คึดดีบ่มีฮ้าย

ใจดีแล้ว   ต้องเว้าดีบ่ฮ้ายด่า

เว้าภาษาดอกไม้  จับใจพร้อมม่วนยิน

ถือศีลธรรมนำหน้า  ท่าทางสงบเสงี่ยม

เจียมตนบ่อวดอ้าง  ใจกว้างปานทะเล

เสียสละให้ผู้อื่นได้  เป็นฮ่มไฮเฮาได้เพิง

เซิงพอปานลูกหน่า  คันหาพ้อให่ต่อเอา

ได้คนดีมาเข่า  เฮือนเฮาสิอบอุ่น

ผู้มีบุญจั่งได้พ้อ  ผู้บาปฮ้ายสิบ่เห็น   พี่น้องเอย

……………………

อาเซียน

กลอนอีสาน/ผญา

……………………….

อาเซียนเป็นชื่อชั้น  การฮวมพี่น้องเก่า

ที่เนาว์อยู่ต่างหม่อง   คล้องใจให่ฮักแพงกัน

เผ่าไทยดั้งเดิมนั้น   พันธุ์มองโกลผู้ยิ่งใหญ่

แผ่ขยายไปทุกหม่อง  ในโลกกว้างมนุษย์เฮา

เอาเฉพาะพี่น้องใกล้   ในอาเซียนมาโฮม

ผูกสัมพันธ์กลมเกลียว  เป็นเสี่ยวกันขายค้า

ส่วนว่าการเมืองนั้น  ไผมันแล้วแต่

ให่ดูแลกันเองโลด  บ่ถือโทษก้าวก่ายกัน

บ้านเมืองฉันตาหลิ่ว  ให่เธอหลิ่วตานำ

บ้านเมืองเธอตาเข  ฉันสิเหล่ตานำเจ้า

มวลประชามาเข่า   อาเซียนเฮาตั้งหลายหมู่

คุณครูสอนเด็กน้อย  ฝอยให่ฮู้ทั่วกัน

ฮ่วมสร่างฝันเทือนี้   มีไทยแลนด์ไทยลาว

ไทยเวียตนามผิวขาว   ไทยเขมรไทยอินโด้

ไทยสิงคะโปร์ไทยตีหม่อ  ไทยมาเลย์โสร่งใหญ่

ไทยกุลาฮ้องให่   ไทยสุดท้ายฟิลิปปินส์

ฮวมกันเมิดทั้งสิ้น   สิบประเทศพอดี

ประชากรมีหลาย   หกร้อยล้านกว่าคนเด้อพี่น้อง

มีของขายคนซื้อ  ถือเป็นตลาดใหญ่

บ่ต้องไปงอนง้อ  ขอขายให้ฝรั่งดอง

ทางขนของไปค้า   กะสร้างใหม่ทางรถไฟ

สิไปไสมาไส  นอนไปกะยังได้

แต่โรคภัยสิหลายขึ้น  มาไวไปฟ้าวฝั่ง

ให่ระวังโรคใหม่ฮ้าย  เป็นแล้วปัวบ่หาย

ภัยจากคนพาลฮ้าย   กะสิหลั่งไหลมา

ให่ระวังตายาย    ลูกหลานเฮาที่เฝ่าบ้าน  

คนพาลสิหลอกต้ม   สมบัติเฮาสิเกลี้ยงออยฮอย

เด็กน้อยเฮาต้องเฮียนฮู้  ปูทางให่ส่ำหมู่เขา

ที่สำคัญคือต้องเว้า   อังกฤษได้นำแน

เว้าบ่ได้แท้แท้   ภาษาใบ้กะว่าดี

มีงานอย่าลืมเอิ้น  ได้เงินหลายอย่าลืมอ่วย

อย่าลืมช่วยพี่น้อง   ผู้คองถ่าอยู่หลัง

รัฐบาลกะต้องตั้ง   ใจต่อพัฒนา

เพื่อให่มวลประชา  เก่งดีมีสุขขึ่น

ยืนอยู่ได้    ด้วยตัวเองอย่างสง่า

มวลประชากะต้องสู่  บ่ยอมแพ้หมู่ปัญหา

อาเซียนมาฮอดแล้ว  แววไวให่ทันหมู่

อย่ามัวนอนคดขี่คู้  ให่บิ้ดขี่คร้านแล่นนำกัน

ฮ่วมถักทอฝันให่  ไทยแลนด์ฮอดเฮืองฮูง

มวลป้าลุงญาติพี่น้อง   เจ้าของพร้อมอยู่สำบาย  พี่น้องเอย

………………….

ของดี

…………………

เที่ยวเสาะหา  ของดี  หลายปีแล้ว

ได้ข่าวแว่ว  ของดี  มีที่ไหน

รีบเดินทาง  ไปหา  มาทันใด

จะใกล้ไกล  ราคาแพง  ขอแบ่งมา

ได้ของขลัง  ศักดิ์สิทธิ์  อิทธิฤทธิ์

พลังจิต   เสริมเวทย์มนต์  กลคาถา

กลายเป็นจอม  ขมังเวทย์   เดชศักดา

ยากจะหา  ผู้ใดเปรียบ  เทียบเทียมทัน

 

 

 

(ยังมีต่อ)

 

 

 

 

 

 

 

 

 

 

 

(ยังมีต่อ)

 


One thought on “หนังสือที่ระลึกก่อนตาย 2

ใส่ความเห็น

อีเมลของคุณจะไม่แสดงให้คนอื่นเห็น ช่องที่ต้องการถูกทำเครื่องหมาย *