ผญา(กลอนอีสาน)อวยพรเปิดร้านใหม่

…………………..

อวยพร  1

………………..

เปิดร้านใหม่แล้ว  ให่ขายได้ขายดี

ขายจนฮ่างจนมี  เป็นเศรษฐีพันล้าน

กิจการก้าวหน่า   ขยายสาขาบ่หยุดหย่อน

สมดังพรผู้ข่าเว้า  สมใจเจ้าปรารถนา เด้อ  สาธุ

…………………..

อวยพร  2

………………..

เปิดร้านใหม่แล้ว  ให่โฮแซวม่วนซื่น

คนมายืนจ่ายซื้อ  สินค้าเจ้าจนบ่ยัง

หมากสตังค์ที่ขายได้   หมุนซื้อขายจนเติบใหญ่

เงินทองไหลหลั่งเข่า   โฮมให่เจ้าเป็นเศรษฐี เด้อ  สาธุ

…………………..

อวยพร  3

………………..

เปิดร้านใหม่แล้ว  ให่แจ๋วเจ๋งเฮงตื่ม

เคยยืมงินผู้อื่นใช้  ต่อไปนี้ขอให่รวย

ความซวยบ่มาใกล้  ความจังไฮบ่มาผ่า

กิจการก้าวหน้า  พาเจ้าให้ฮ่างมี เด้อ  สาธุ

…………………..

อวยพร  4

………………..

เปิดร้านใหม่แล้ว  ให่แจ๋วเจ๋งเฮงกว่าหมู่

คนอยู่ใสกะฮู้   หลั่งมาซื้อบ่ขาดสาย

การซื้อขายก้าวหน้า  พาเจ้าฮ่างเจ้ามี

พาเจ้าเป็นเศรษฐี   มีทรัพย์สินพันล้าน เด้อ  สาธ

…………………..

อวยพร  5

………………..

เปิดร้านใหม่แล้ว  ให่มีแต่แนวดี

กับแนวฮ่างแนวมี    หลั่งไหลมาโฮมเจ้า

คนหลั่งไหลมาเข้า  เอาเงินทองมาใช้จ่าย

ขายอีหยังกะให้ได้   กำไรล้นเป็นเศรษฐี เด้อ  สาธุ

…………………..

อวยพร  6

………………..

เปิดร้านใหม่แล้ว  ให่เจ๋งแจ๋วทุกสิ่งอย่าง

คนหลงทางมาร้านเจ้า   เข้าแถวซื้อสู่วัน

สารพันสินค้าให้   ขายดีปานเทน้ำเทท่า

กิจการร้านก้าวหน้า  พาเจ้าเป็นเศรษฐี เด้อ  สาธุ

…………………..

อวยพร  7

………………..

เปิดร้านใหม่แล้ว  แนวใดดีมีกว่าหมู่

เคยกู้เงินผู้อื่นใช้  ต่อไปนี้ขอให่รวย

ให้หล่อสวยสดซิ่ง  ใสงามหน้าเปินเวิน

เงินทองไหลหลั่งเข้า  ดลให้เจ้าเป็นเศรษฐี เด้อ  สาธุ

…………………..

อวยพร  8

………………..

เปิดร้านใหม่แล้ว  ให่แจ๋วเจ๋งเฮงตื่ม

เคยยืมงินผู้อื่นใช้  ต่อไปนี้ขอให่รวย

ให้หล่อสวยใสซิ่ง  ถืกคีงลูกค้าเพิ่น

นำเงินมาจ่ายซื้อ  กำไรล้นหลั่งนอง เด้อ  สาธุ

…………………..

อวยพร  9

………………..

เปิดร้านใหม่แล้ว  ให่แจ๋วเจ๋งเฮงตื่ม

ลูกค้าปลื้มร้านเจ้า   เข้ามาซื้อคู่สู่วัน

การงานให้ก้าวหน้า   การเงินกะให้คล่อง

การทองกะให้ได้  สมใจเจ้าคู่สู่อัน เด้อ  สาธุ

…………………..

อวยพร  10

………………..

เปิดร้านใหม่แล้ว  ให้มีแต่แนวดี

กับแนวฮ่างแนวมี    หล่อสวยรวยเลิศ

บ่อเกิดเงินคำแก้ว  แววไวใสส่อง

พาเจ้าของร้านให้  รวยล้นฟ้ากว่าคู่คน เด้อ  สาธุ

…………………..

อวยพร  11

………………..

ขอให้กิจการร้านเจ้า  ฮูงเฮืองเหลืองอร่าม

ทุกเขตคามฮู้ร้านเจ้า  หลั่งเข้าซื้อบ่ขาดสาย

ร้านขยายใหญ่ขึ้น  หลายสาขาหลายแห่ง

คนฮักแพงร้านเจ้า    เอาเงินซื้อบ่เซ็น เด้อ  สาธุ

…………………..

อวยพร  12

………………..

ขอให้กิจการร้านเอื้อย  สมดังมโนหมาย

คนทั้งหลายหลั่งไหล  มาซื้อของร้านเจ้า

เงินทองไหลหลั่งเข้า  ไหลบ่เซาจักเทือ

รวยเผื่อพี่เผื่อน้อง    เผื่อผองเพื่อนคู่สู่คน   เด้อ  สาธุ

…………………..

อวยพร  13

………………..

ขอให้กิจการร้านอ้าย  งานสบายเงินอบอุ่น

ลงทุนเพียงบ่กี่ร้อย   กำไรล้นหลั่งนอง

เงินทองไหลหลั่งเข้า  เต็มกระเป๋าเป้กระต่า

 ให้อ้ายรวยล้นฟ้า    รวยกว่าเจ้าอย่าสิมี  อ้ายเอย  สาธุ

…………………..

อวยพร  14

………………..

ขอให้กิจการของร้าน  งานสบายเงินอบอุ่น

เงินหมุนไปบ่หยุดยั้ง   สตังค์เพิ่มขึ้นบ่ถอย

จากเงินกองหน่อยหน่อย  ค่อยทวีจนยิ่งใหญ่

 สุขสำบายรวยล้น   จนคนเอิ้นว่าเศรษฐี    เด้อ  สาธุ

(ยังมีต่อ)


ใส่ความเห็น

อีเมลของคุณจะไม่แสดงให้คนอื่นเห็น ช่องที่ต้องการถูกทำเครื่องหมาย *